இணைய இணைப்பு என்றாலே அதிவேக இணைய இணைப்புதான் என்னும் அளவிற்கு இன்று பிராட்பேண்டு சேவைகள் பெருகி விட்டன. அப்படி இருந்தும், பல்வேறு நிறுவனங்கள் மூலம் நமக்கு கிடைக்கும் பிராட்பேண்டு சேவைகளின் வேகத்தில்தான் எவ்வளவு வித்யாசங்கள். எந்த நிறுவனத்தின் சேவையில் வேகம் அதிகம், எந்த நிறுவனத்தின் சேவையில் டவுன்லோடு லிமிட் அதிகம் என்றெல்லாம் நாம் ஆராய்ந்து, இணைப்பை வாங்க வேண்டியிருக்கிறது. அப்படி வெகுவாய் ஆராய்ந்து வாங்கிய பின்னரும் சில சமயங்களில் நமக்கு வேகம் திருப்தி அளிப்பதில்லை.

அவ்வாறு திருப்தியடையாத வேகம் விரும்பிகளுக்கு ஓர் நற்செய்தி. அதாவது இந்திய அரசு, பிராட்பேண்டு இணைய இணைப்பிற்கான வரையறுப்பை மேம்படுத்தியுள்ளது. அதாவது, இனி பிராட்பாண்டு சேவை என்பது குறைந்த பட்சமாக வினாடிக்கு 512 கிலோபைட்டுகள் வேகம் உடையதாக இருக்க வேண்டும். இதுவரை இந்த வரையறுப்பு வினாடிக்கு 256 கிலோபைட்டுகள் வேகமே இருந்து வந்தது. இந்த புதிய வேக வரையறுப்பு இந்த ஆண்டில் இருந்து கடைப்பிடிக்கப் படும் என்று அறிவிக்கப்பட்டுள்ளது.

‘இந்த ஆண்டில் பாதிக்கு மேல் முடிந்து விட்டது… சற்று முன்னரே அறிவித்திருக்கக் கூடாதா?…’ என்று கேட்பவர்களுக்கு மேலும் ஒரு செய்தி. வரும் 2015ஆம் வருடம் முதல் அதிவேக இணைய இணைப்பு என்பது வினாடிக்கு குறைந்தபட்சமாக 2 மெகாபைட்டுகள் வேகம் உடையதாக இருத்தல் வேண்டும் எனவும் அரசு அறிவித்துள்ளது!

அப்புறம் என்ன? இனி உடனே உங்களுக்கு இணைய சேவை அளிப்பவரிடம் பேசி உங்கள் இணைப்பின் வேகத்தை அறிந்து கொள்ளுங்கள். அப்படி 512 கிலோபைட்டுகளுக்கும் குறைவாக இருந்தால் மேம்படுத்தச் சொல்லுங்களேன்!

முதலில் வேர்டை எடுத்துக் கொள்வோம். டேபிளின் ஏதாவது ஒரு செல்லில் இருந்து கொண்டு மெனுவில் டேபிள் >> சார்ட் என்று தெரிவு செய்யவும். உங்கள் டேபிள் தானாகவே தெரிவு செய்யப்பட்டு வரிசைப்படுத்துதல் டயலாக் பெட்டி காண்பிக்கப்படும். இதையே நீங்கள் டேபிள் >> செலக்ட் >> டேபிள் என்று டேபிளை முதலில் தெரிவு செய்து கொண்டு அதற்குப் பின் டேபிள் >> சார்ட் என்றும் தெரிவு செய்யலாம். ஆனால் வேர்டு இண்டெலி-சென்ஸ் (intelli-sense) திறன் கொண்டது. அதாவது நாம் என்ன செய்யப் போகிறோம் என்று புரிந்து கொண்டு அதற்கேற்றவாறு செயல்படும். நாம் டேபிளை செலெக்ட் செய்யா விட்டாலும் டேபிளை சார்ட் செய்ய முற்படும் பொழுது அதுவாகவே டேபிளை செலெக்ட் செய்து கொள்ளும்.

மேலே இருப்பது போல் சார்ட் டயலாக் பெட்டி காண்பிக்கப் பட்டவுடன் இலகுதான் நம் வேலை. நாம் வரிசைப் படுத்தவேண்டிய பத்தியை தெரிவு செய்து கொண்டு, நம் டேபிளில் தலைப்பு இருந்தால் ஹெடர் ரோ ரேடியோ பட்டனையும், தலைப்பு இல்லாவிடில் நோ ஹெடர் ரோ ரேடியோ பட்டனையும் தெரிவு செய்து கொண்டு, ஓகே பட்டனை கிளிக் செய்யவும். அவ்வளவுதான்!

இனி ஓப்பன் ஆஃபீஸ் ரைட்டருக்கு வருவோம். ஓப்பன் ஆஃபீஸ் தொகுப்பில் இண்டெலி-சென்ஸ் இல்லை. டேபிளை நாம் தான் தெரிவு செய்ய வேண்டும். வரிசைப்படுத்தும் வசதி (sort command) டேபிள் மெனுவில் இல்லை! டூல்ஸ் மெனுவில் உள்ளது!! இது தவிர டேபிளை தெரிவு செய்யும் பொழுது ஹெட்டிங் ரோ இருந்தால் அதை தவிர மற்றவற்றை தெரிவு செய்ய வேண்டும். (இது ஏன் என்று இன்னும் சற்று நேரத்தில் பார்ப்போம்.)

ஆகவே டேபிளின் ஏதாவது ஒரு செல்லில் இருந்து கொண்டு, மெனுவில் டேபிள் >> செலக்ட் >> டேபிள் என்று தெரிவு செய்து டேபிளை செலக்ட் செய்து கொள்வது ஹெட்டிங் ரோ இல்லையென்றால் தான். ஹெட்டிங் ரோ இருந்தால் ஹெட்டிங் ரோவிற்கு கீழே முதல் ரோவின் முதல் செல்லில் கீபோர்டு கர்சரை வைத்து, ஷிஃப்ட் கீயை பிடித்தபடி கடைசி ரோவின் கடைசி செல்லில் கிளிக்கினால் ஹெட்டிங் ரோவை தவிர மற்ற செல்கள் அனைத்தும் தெரிவு செய்யப்படும்.

அதன் பின் மெனுவில் டூல்ஸ் >> சார்ட் என்று தெரிவு செய்யவும். இங்கே கவனிக்க வேண்டியது என்னவென்றால் நீங்கள் எதையும் செலக்ட் செய்யாமல் டூல்ஸ் >> சார்ட் மெனுவை தேர்ந்தெடுக்க முடியாது. ஏனென்றால் சார்ட் மெனு மங்கலாக்கப் பட்டு டிசேபிள்டு ஆகியியிருக்கும். இவ்வாறு சார்ட் மெனுவை தேர்ந்தெடுத்த பின்னர் சார்ட் டயலாக் பெட்டி திரையில் காண்பிக்கப் படும்.

வேர்டை ஒப்பிட்டு பார்க்கும் பொழுது இதில் சில வித்தியாசங்கள் இருப்பதை காண்பீர்கள். உங்கள் டேபிளில் ஹெட்டிங் ரோ இருக்கிறதா இல்லையா என்று கேட்கும் ஆப்ஷன் இதில் இல்லை. அதனாலே தான் மேலே குறிப்பிட்டபடி டேபிளை செலக்ட் செய்யும் பொழுதே ஹெட்டிங் ரோவை தவிர்த்து மற்ற செல்களை செலக்ட் செய்ய வேண்டும். நீங்கள் வரிசைப்படுத்த விரும்பும் பத்தி, டேபிளில் எத்தனையாவதாக அமைந்திருக்கிறது என்று தெரிவு செய்து கொண்டு ஓகே பட்டனை அழுத்தவும். அவ்வளவுதான்!

ரைட்டரின் சார்ட் டயலாக் பெட்டியைப் பார்க்கும் பொழுது, இதில் மேலிருந்து கீழ் மட்டுமல்ல இடமிருந்து வலமாகவும் வரிசைப்படுத்தலாம் என்று அறிந்து கொள்ள முடியும்! இதைப் பற்றியும், மேலும் சில வரிசைப்படுத்தும் வழிகள் பற்றியும் மேலும் எழுதுகிறேன்…

இந்த மாதிரி சமயங்களில் சிலர் விளையாட்டாக கைக்கு வந்தபடி “sdsdsad qwwqwrr fsdfsdfadf…” என்றெல்லாம் தட்டச்சித்து தம் தேவையை பூர்த்தி செய்து கொள்ளுவார்கள். வேறு சிலரோ ஏற்கனவே சேமிக்கப்பட்டிருக்கும் ஏதாவது ஒரு கோப்பை திறந்து, அதை வைத்து, நண்பருக்கு சொல்லிக் கொடுப்பதையோ அல்லது பிரிண்டரை பரிசோதிப்பதையோ செய்து விட்ட பின் தாம் செய்த மாற்றங்களை சேமிக்காமல் அந்த கோப்பை மூடி விடுவார்கள்.

சரி, இப்பொழுது உங்களுக்கும் அதுபோல் வேர்டில் சோதனைக்காக சில சாம்பிள் வரிகள் தேவைப்படும் பொழுது என்ன செய்யலாம்? இலகுவாக ஒரு சுருக்கு வழி இருக்கிறது. ஒரு புது வரியில் பின்வருமாறு தட்டச்சு செய்து என்டர் விசையை அழுத்துங்கள்.

=rand()

நீங்கள் எண்டர் விசையை அழுத்திய மாத்திரத்தில் “The quick brown fox jumps over the lazy dog.” என்ற வரிகள் குபுக்கென்று திரையில் தோன்றுவதைப் பார்க்கலாம். நன்றாக கவனித்தீர்களானால் இது போன்ற ஐந்து வரிகளைக் கொண்ட மூன்று பத்திகள் உருவாகியிருப்பதைக் காணலாம்.

இப்படி அல்லாமல், உங்களுக்கு தேவையான எண்ணிக்கை பத்திகளும் (X), அந்த பத்திகளில் உங்களுக்கு தேவையான எண்ணிக்கை வரிகளும் (Y) வேண்டுமானால் ஒரு புது வரியில் பின்வருமாறு தட்டச்சித்து எண்டர் விசையை அழுத்துங்கள்.

=rand(X,Y)

இங்கே X என்பதும் Y என்பதும் எண்ணிக்கையை குறிக்கும். உதாரணமாக உங்களுக்கு 15 வரிகளைக் கொண்ட 10 பத்திகள் வேண்டுமானால் =rand(10,15) என்று தட்டச்சித்து எண்டர் விசையை அழுத்தவும்.

இப்பொழுது அதே சாம்பிள் வரிகள், உங்கள் தேவைக்கேற்ப பத்திகளாய் உருவாகி இருப்பதை காண்பீர்கள்.

இந்த வசதி வேர்டு 97 ற்கு மேல் உள்ள பதிப்புகளில் உள்ளது. வேர்டு 97 முதல் வேர்டு 2003 வரை வரிகளின் அமைப்பு மேலே கூறியவாறு இருக்கும். வேர்டு 2007 மற்றும் 2010 பதிப்புகளில் =rand() என்று தட்டச்சித்து எண்டர் விசையை அழுத்தினால் பின்வருமாறு சாம்பிள் வரிகள் உருவாகும்:

On the Insert tab, the galleries include items that are designed to coordinate with the overall look of your document. You can use these galleries to insert tables, headers, footers, lists, cover pages, and other document building blocks. When you create pictures, charts, or diagrams, they also coordinate with your current document look.

You can easily change the formatting of selected text in the document text by choosing a look for the selected text from the Quick Styles gallery on the Home tab. You can also format text directly by using the other controls on the Home tab. Most controls offer a choice of using the look from the current theme or using a format that you specify directly.

To change the overall look of your document, choose new Theme elements on the Page Layout tab. To change the looks available in the Quick Style gallery, use the Change Current Quick Style Set command. Both the Themes gallery and the Quick Styles gallery provide reset commands so that you can always restore the look of your document to the original contained in your current template.

வேர்டு 2007 & 2010 பதிப்புகளில் உங்களுக்கு ”The quick brown fox jumps over the lazy dog.” என்ற வரிகள் தான் வேண்டும் என்றால் =rand.old() என்று தட்டச்சித்து எண்டர் விசையை அழுத்தவும்.

இனி நீங்களும் பிரின்டரை சோதிப்பது, பி.டி.எஃப். ரைட்டரை சோதிப்பது, ஈமெயில் அட்டாச்மென்டை சோதிப்பது போன்ற காரியங்களுக்கு இந்த யுக்தியை கையாளலாம்.

பி.கு:  வேர்டு 2007 அல்லது 2010 பதிப்பு வைத்திருப்போர் =lorem() என்று தட்டச்சித்து எண்டர் விசையை அழுத்திப் பார்க்கவும்!

டேபிள் சிறியதாக இருக்கும் பொழுது இது ஒரு பிரச்சினையே அல்ல. ஆனால் டேபிள் சற்று பெரியதாக இருந்தால் அதை தெரிவு செய்ய சற்று முயற்சி எடுக்க வேண்டி இருக்கும். இதுவும் மிக பிரமாதம் இல்லை என்றாலும், அடிக்கடி இதை செய்ய வேண்டி வரும் பொழுது, சுருக்கு வழி ஏதாவது இருக்காதா என்று எண்ணத் தோன்றும். இருக்கத்தான் செய்கிறது இதற்கு ஒரு சுருக்கு வழி. அதுவும் எக்ஸெல் மற்றும் கால்க் ஆகிய இரண்டிலுமே வேலை செய்யும் ஒரு சுருக்கு வழி.

டேபிளின் ஏதாவது ஒரு (காலி அல்லாத) செல்லில் இருந்து கொண்டு கண்ட்ரோல் மற்றும் ஆஸ்டெரிஸ்க் விசிகளை அழுத்தவும். அவ்வளவுதான். அந்த டேபிளின் எல்லா செல்களும் தெரிவு செய்யப்பட்டு விடும்!

கண்ணுக்கு தெரிந்த இடத்தையெல்லாம் ரைட் கிளிக் செய்து விட்டேன். எங்கு தேடியும் ரேஞ்சை அதிகரிக்க ஆப்ஷன் புலப்படவில்லை. பிவட் டேபிள் விசார்ட் மட்டும் வருகிறது, ஆனால் அதில் ரேஞ்சை மாற்ற ஆப்ஷன் கண்டுபிடிக்க முடியவில்லை! இதற்கான தீர்வு கண்டு பிடித்து விட்டு பின் சொல்கிறேன் என்றவாறு அங்கிருந்து தப்பித்து விட்டு என் இருக்கையில் அமர்ந்து ஒரு பிவட் டேபிளை உருவாக்கினேன்.

பிவட் டேபிள் விசார்டு உதவியுடன் பிவட் டேபிளை உருவாக்கும் பொழுது தான் அது புலப்பட்டது. பிவட் டேபிளின் பேக் பட்டனை அழுத்தினால் ரேஞ்சு செலெக்‌ஷன் ஆப்ஷனுக்கு செல்லலாம். ஆஹா! இவ்வளவுதானா? பிவட் டேபிளின் ரேஞ்சை மாற்ற, பிவட் டேபிள் விசார்டை இயக்கி, பேக் பட்டனை அழுத்த வேண்டும். பின் ரேஞ்சை மாற்றி ஃபினிஷ் பட்டனை அழுத்த வேண்டும். மனம் முன்னோக்கியே சென்றதால், எடுத்தவுடன் பேக் பட்டனை அழுத்த முதலில் தோன்றவில்லை!

மைக்ரோசாஃப்ட் புரோகிராமர்கள், பிவட் டேபிள் விசார்டில் ஸ்டெப் 1 முதல் 3 வரை சிறு சிறு டயலாக் பெட்டிகளாக வடிவமைக்காமல் ஒரே பெரிய டயலாக் பெட்டியில் அனைத்து ஆப்ஷன்களையும் கொடுத்திருந்தால் ஒருவேளை இந்த குழப்பம் இருந்திருக்காது!!

“கம்ப்யூட்டர் மூலமா வருகிற பிரச்சினைய கம்ப்யூட்டர் மூலமா தான் தீக்கணும். கம்ப்யூட்டரிலே யார் யார் என்னென்ன காரியம் எவ்வளவு நேரம் செய்யலாங்கறத  கன்ட்ரோல் பண்ற மாதிரி சாஃப்ட்வேர் இருக்கிறதா அமெரிக்கவிலே இருக்கிற என் கோ-பிரதர் சொன்னார்…” என்று ஒருவர் சொல்ல, கவனம் என் பக்கம் திரும்பியது.

நானும் நெட் நேன்னி என்றெல்லாம் கெள்விப்பட்டிருக்கிறேன், ஆனால் அதெல்லாம் இலவச மென்பொருள் இல்லை. அதுமட்டுமல்லாது இதுபோன்ற மென்பொருட்கள் பொதுவாக இலவசமாக கிடைக்காது. அப்படியே இலவசமாக தருவதாக கூறினாலும், நம்பகமானதாக இருக்குமா என்று சந்தேகமே, அதாவது ஸ்பைவேர் ஏதாவது இருக்கலாம் என்று அப்போதைக்கு கூறி வைத்தேன்.

தேனீர் அருந்தியவாறே கூகிளில் தேடிய பொழுதும், நான் கூறியவாறே நம்பத் தகுந்தவாறு எதுவும் இலவசமாக கிட்டவில்லை.

இருந்தாலும் எனக்குள் ஒரு கேள்வி. இதற்கென ஒரு ஓப்பன் ஸோர்ஸ் மென்பொருளோ, இலவச மென்பொருளோ இருக்காதா என்ன?

நன்றாக தேடித்தான் பார்ப்போமே என்று இரவு உணவிற்குப் பின் அமர்ந்து அலசியபொழுது இவை இரண்டு கண்ணில் பட்டது.

1. ஃபிரீ இன்டர்நெட் செக்யூரிட்டி கன்ட்ரோலர்

இது குனு ஜிபிஎல் லைசென்சின் கீழ் வெளியிடப்படுகிறது. இதற்கான ஸோர்ஸ்ஃபோர்ஜ் பக்கத்தை இங்கே காணலாம்.

http://sourceforge.net/projects/fisecurity/

2. கே9 வெப் புரொடெக்ஷன்

இது வீட்டு உபயோகத்திற்கு இலவசமாக அளிக்கப்படுகிறது. இலவச உபயோகமாக இருந்தாலும், இதற்கு ஒரு லைசென்ஸ் தேவைப்படுகிறது. உங்கள் பெயர் மற்றும் மின்னஞ்சல் முகவரியை அளித்தால், சற்று நேரத்திற்கெல்லாம் மின்னஞ்சல் வாயிலாக உங்களுக்கு லைசென்ஸ் வழங்கப் படும் என்று அறிவிக்கிறது இந்த பக்கம்.

http://www1.k9webprotection.com/get-k9-web-protection-free

வீட்டில் தற்பொழுது லீனக்ஸ் உபயோகிக்கிறேன் என்பதால் உடனே நிறுவிப் பார்க்க வில்லை. (ஸ்கிரீன்ஷாட் அந்த இணைய தளத்திலிருந்தே பதிவிறக்கம் செய்யப்பட்டது!)

தேவைப்படுபவர்கள் நிறுவி உபயோகப்படுத்துமாறு கேட்டுக் கொள்கிறேன். உங்கள் அனுபவம், மற்றும் மேலும் தகவல் அறிந்தால் பின்னூட்டம் அளிக்கவும். எல்லோருக்கும் உதவியாக இருக்கும்.