கணித் துளி

கணினி பற்றி சிறு துளிகள்

இலகுவாக ஹைபர்நேட் செய்ய

பதிந்தவர் அமிர்தராஜ் மேல் செப்டம்பர் 19, 2008

ஹைபர்நேட் செய்வதன் பயன், அதை செய்வது எப்படி, அதற்கு ஒரு ஷார்ட்கட் அமைப்பது எப்படி என்றெல்லாம் எனது பதிவுகளில் எழுதியிருந்தேன். இப்பொழுது இலகுவாக ஹைபர்நேட் செய்யும் விதமாக டெஸ்க்டாப்பில் ஒரு ஷார்ட்கட்டை நிறுவ இன்ஸ்டாலர் ஒன்றை கணித் துளி ஆதரவாளர்களுக்கென தயாரித்துள்ளேன். அதை பாக்ஸ் நெட் பைல் ஷேரிங் மூலம் பகிரவும் செய்துள்ளேன். பதிவிறக்கம் செய்து உபயோகப் படுத்துங்கள். அதன் தொடுப்பு இதோ கீழே …
http://www.box.net/shared/pgv4q3jl6b

.... இங்கே பதியப்பட்டது விண்டோஸ், ஹைபர்நேட் | குறிச்சொல்லிடப்பட்டது: , | 4 மறுமொழிகள் »

இலவச யூனிக்ஸ் ஷெல் அக்கவுண்டு

பதிந்தவர் அமிர்தராஜ் மேல் அக்டோபர் 31, 2008

முன்பொரு ஒரு சமயத்தில் எனக்கு அவ்வப்பொழுது பரீட்சார்த்தமான சிறு சிறு சோதனைகள்  செய்து பார்க்க (விளையாட்டாக செய்து பார்க்க) ஒரு தற்காலிக யூனிக்ஸ் அக்கவுண்டு தேவைப்பட்டது. இலவச யூனிக்ஸ் ஷெல் அக்கவுண்டு என்று ஆங்கிலத்தில் கூகிளில் தேடினால் பல தளங்களின் முகவரி கிடைத்தது. நானும் ஒரு சிலவற்றை முயற்சி செய்து பார்த்தேன். இந்த இலவச சேவையை வழங்கும் பெரும்பான்மையான தளங்களில் உள்ள குறைபாடு என்னவென்றால் நம்பகமான சேவை இல்லாததுதான்.  சில சமயம் வேலை செய்யும்; பல சமயம் வேலை செய்யாது; சில மாதங்கள் கழித்து அந்த தளமே காணாமல் சென்றுவிடும்! இவ்வாறான சேவை நடத்துவதில் வர்த்தக ரீதியான இலாபம் ஏதும் இல்லாததால், வெறும் சேவை மனப்பான்மையையே நம்பியிருக்கிறது இச்சேவைகள். இத்தகைய சேவை நடத்த முற்படுவோரில் பெரும்பாலானவர்கள், உபயோகமற்று கிடக்கும் மிகப் பழைய கணினிகளைக் கொண்டே இச்சேவைகளை துவக்குகின்றனர். கணினி பழுதுபட்டால் சேவையும் பழுதுதான்!

என்னுடைய தேவை, நான் விரும்பும் பொழுது ஒரு ஷெல் சேவையை உபயோகிக்க வேண்டும். அவ்வளவுதான்! பலவற்றை ஆராய்ந்த பின், இரண்டு சேவைகளை உபயோகித்திருக்கிறேன். அவை:

  1. எஸ்.டி.எஃப்
  2. கிரெக்ஸ்

இந்த இரண்டு சேவைகளும் வழங்கும் வசதிகள் ஒன்றிற்கு ஒன்று சற்று வித்தியாசப்படும்.  இரண்டிலுமே அக்கவுண்டு தொடங்கி தேவைக்கேற்ப உபயோகித்துக் கொள்ளலாம். புதிதாக கணக்கு துவங்குபவர்களுக்கு சற்று கூடுதலாக கட்டுப்பாடுகள் விதித்திருக்கிறார்கள். ஹேக்கர்கள் மற்றும் நாசம் செய்ய முற்படுவோரிடமிருந்து சிஸ்டத்தை காப்பதற்காகவே இந்த ஏற்பாடு. புதிய பயனர் அவ்வாறானவர் அல்ல என்று அறிந்த பின்னர் (வேலிடேட் செய்யப்பட்ட பின்) அதிக வசதிகள் பெறலாம். (நமக்கென்று மின்னஞ்சல் மற்றும் இணைய தளம் கூட உண்டு!)

யூனிக்ஸ் புதிதாக பழகுபவர்கள், விண்டோஸ் சூழலில் இருக்கும் பொழுது யூனிக்ஸில் சிறு சிறு சோதனைகள் செய்து பார்க்க விரும்புவோர், மற்றும் ஆர்வலர் யாவரும் உபயோகிக்க வசதியானதாகும் இந்த இலவச ஷெல் அக்கவுண்டுகள். நீங்களும் ஒரு கணக்கு இன்றே துவங்கிப் பாருங்களேன்!

.... இங்கே பதியப்பட்டது கணினி, யூனிக்ஸ் | குறிச்சொல்லிடப்பட்டது: , | 3 மறுமொழிகள் »

என்னோடு எப்போதும்… தொடர் பதிவு

பதிந்தவர் அமிர்தராஜ் மேல் அக்டோபர் 29, 2008

நாம் பயன்படுத்தும் மென்பொருட்கள் பற்றி தொடர் பதிவு எழுத அழைப்பு விடுத்திருந்தார் திரு சுபாஷ். சுவாரஸ்யமான முயற்சிதான். பலரது பயன்பாட்டு பழக்கங்களைப் பற்றி படிக்கும் பொழுது, நமக்கும் சில உபயோகமான செயலிகள் பற்றிய தகவல்கள் கிட்ட வாய்ப்பு உள்ளது. கீழே நான் உபயோகிக்கும் செயலிகளை பட்டியலிட்டுள்ளேன். இது நூறு சதவிகிதம் முழுமையான் பட்டியல் இல்லை. இலவச மென்பொருட்களின் பட்டியலை மட்டுமே உருவாக்கியுள்ளேன். முடிவில், எனக்கு முன்னதாக தொடர் பதிவில் பதியப்பட்ட பதிவுகளின் தொடுப்புகளை கொடுத்துள்ளேன். இதனால், இந்த பதிவை படிப்பவர்களுக்கு, தொடர் பதிவின் மற்ற பதிவுகளையும் படிக்க வசதியாக இருக்கும்.

இப்பதிவிற்கு முன்னதாக பதிவிடப்பட்டவை (எனக்குத் தெரிந்த வரை ). ஏதாவது விடுபட்டு இருந்தால் பின்னூட்டம் இடவும். திருத்திக் கொள்கிறேன்.

சுபாஷின் தொடர் பதிவு

மாயாவின் தொடர் பதிவு

ஊரோடியின் தொடர் பதிவு

இந்த தொடர் பதிவு விளையாட்டிற்கு நான் அழைப்பது:

திரு சந்தர் அவர்கள்

மருத்துவர் புரூனோ அவர்கள்

ஆர்வமுள்ள மற்றவர்களும் இதில் கலந்து கொள்ள அழைக்கிறேன்.

.... இங்கே பதியப்பட்டது கணினி, விண்டோஸ் | குறிச்சொல்லிடப்பட்டது: , , | 10 மறுமொழிகள் »

ஓப்பன் ஆஃபீஸ் 3

பதிந்தவர் அமிர்தராஜ் மேல் அக்டோபர் 21, 2008

கணினியில் அலுவலகக் கூட்டு மென்பொருளின் பங்கு

கணினியில் நாம் அன்றாடம் உபயோகிக்கும் மென்பொருட்களுள்,  ஆப்பரேட்டிங் சிஸ்டத்திற்கு அடுத்து முக்கியமான இடத்தை பிடிக்கும் மென்பொருள் அலுவகலகக் கூட்டாகத்தான் (ஆஃபீஸ் ஸூட்) இருக்கும். நாம் அன்றாடம் தகவல்களை ஆவண வடிவாக்கி சேமிக்கவும், ஆராயவும், பகிரவும் உதவுவது அலுவலகக் கூட்டு மென்பொருளே. இவ்வகையான கூட்டு மென்பொருட்களுள் இலவசமாக கிடைப்பதில் முன்னணியில் இருப்பது ஓப்பன் ஆஃபீஸ் அலுவலக மென்பொருள் கூட்டேயாகும்.

ஓப்பன் ஆஃபீஸ் 3 வெளியீட்டிற்கு அமோக வரவேற்பு!

ஓப்பன் ஆஃபீஸின் புதிய பதிப்பான 3 (வெர்ஷன் 3), பலரும் வெகு நாட்களாக (மாதங்களாக?) எதிர்பார்த்துக் கொண்டிருந்த ஒரு வெளியீடு. நானும் அப்படித்தான். அக்டோபர் 13 வெளியிடப்படுவதாக அறிவித்திருந்தார்கள். ஆனால் 13 ஆம் தேதி பதிவிறக்கம் செய்ய முயற்சித்த எனக்கு ஏமாற்றம் தான். http://www.openoffice.org தளத்தை திறக்க முயற்சித்து தோல்வியுற்றது எனது பிரவுசர். இலட்சக்கணக்காண பிரவுசர்களின் ஒருமித்த முயற்சியால் முடங்கியிருந்தது தளம். திரும்பவும் 14 ஆம் முயற்சித்தால், வழக்கமான  முதற்பக்கத்தை காணவில்லை. எடுத்தவுடன் டவுன்லோடு பக்கம் தான் தெரிந்தது. வழக்கமான தளம் அதிகமான வரவுகளுக்கு ஈடு கொடுக்க முடியாததால் தற்காலிகமாக இந்த அமைப்பு செய்திருந்தார்கள். அவ்வளவு வரவேற்பு இந்த வெளியீட்டிற்கு.

அப்படி என்னதான் இருக்கிறது இந்த ஓப்பன் ஆஃபீஸில்?

நிறைய பணம் கொடுத்து வாங்கும் (உண்மையாகவா?) முன்னணி மென்பொருட்களுடன் ஒப்பிடும் பொழுது, விசேஷமாக சொல்லும் அளவிற்கு பெரியதாக ஒன்றுமில்லை! ஆனால் நமது அன்றாட ஆவணத் தேவைகளை மிகவும் அலட்டிக் கொள்ளாமல் நேர்த்தியாக பூர்த்தி செய்ய வல்லது இந்த மென்பொருள்.

ஸ்டார்ட் சென்டர்

ஸ்டார்ட் சென்டர்

ஓப்பன் ஆஃபீஸின் கூறுகள்

  • ரைட்டர்: டாக்குமென்டுகளை தயாரித்து ஆள உதவுகிறது.
  • கேல்க்: ஸ்பிரெட்ஷீட்டுகளை தயாரித்து ஆள உதவுகிறது.
  • இம்பிரஸ்: பிரசென்டேஷன்களை தயாரித்து ஆள உதவுகிறது.
  • பேஸ்: டாட்டாபேஸ்களை தயாரித்து ஆள உதவுகிறது.
  • டிரா: வரை படங்களை தயாரித்து ஆள உதவுகிறது.
  • மேத்: கணித சூத்திரங்களைத் தயாரிக்கவும்,  அவற்றை ஆவணங்களுக்குள் பதித்து ஆளவும் உதவுகிறது.

அண்மைய பதிப்பில் உள்ள மேம்பாடுகள்

இதற்கு முந்தய பதிப்பு வெளியாகி ஏறக்குறைய மூன்று வருடங்களுக்குப் பின் வந்துள்ள இந்தப் பதிப்பில் நான் எதிர்பார்த்த அளவு மேம்பாடுகள் இல்லை என்றாலும், ஏற்கனவே இருந்த வசதிகளை சற்று மெருகூட்டியும், ஒரு சில புதிய வசதிகளை அறிமுகப் படுத்தியும் இருக்கிறார்கள். புதியவற்றுள் முதலில் கண்களில் படுவது ஜூம் ஸ்லைடர்; எளிதாக கண்களில் அகப்படாதவற்றில் முன்னிற்பது நோட்ஸ் [இன்ஸர்ட் >> நோட்ஸ்].  இந்த பதிப்பை திறந்தவுடன் தெரியும் மேம்பாடு இதன் ஸ்டார்ட் சென்டர் தான். இது பார்வைக்கு அழகாக மட்டுமல்லாமல் வசதியாகவும் இருக்கிறது.

ஜூம் ஸ்லைடர்

ஜூம் ஸ்லைடர்

நோட்ஸ்

நோட்ஸ்

நூறு சதவிகிதம் இலவசம்!

நீங்கள் இலவச லீனக்ஸ் ஆப்பரேட்டிங் சிஸ்டம் உபயோகிப்பவராக இருந்தாலும் சரி, கணினியுடன் சேர்த்து விண்டோஸ் வாங்குபவராக இருந்தாலும் சரி, அல்லது பணம் கொடுத்து விண்டோஸ் வாங்கி கணினியில் நிறுவும் ஆசாமியாக இருந்தாலும் சரி, ஒரு ஆஃபீஸ் சூட்டிற்காக மேலும் பணம் செலவழிக்கத் தேவையில்லை. ஓப்பன் ஆஃபீஸ் செயலியானது லீனக்ஸ், சோலாரிஸ், விண்டோஸ் மற்றும் மேக் ஓ.எஸ் இயங்கு தளங்களில் (ஆப்பரேட்டிங் சிஸ்டங்களில்)  இயங்க வல்ல முற்றிலும் இலவச மென்பொருளாகும்.

பிற ஆஃபீஸ் செயலிகளுடன் ஒத்திசைவு

ஓப்பன் ஆஃபீஸ் “ஓப்பன் டாக்குமென்ட் ஃபார்மேட்” எனும் சர்வதேச ஆவண கோட்பாட்டை ஒத்திசைந்து செயல்படுமாறு அமைக்கப்பட்டுள்ளது. அதுமட்டுமல்லாது, எம்.எஸ் ஆஃபீஸ் டாக்குமென்டுகளுடன் ஒத்திசைவு இருக்குமாறும் அமைக்கப்பட்டுள்ளது. அதாவது ஆவணங்களை எம்.எஸ் ஆஃபீஸ்  ஃபார்மேட்டில் சேமிக்கலாம் / எம்.எஸ் ஆஃபீஸ் ஆவணங்களை திறக்கலாம். எம்.எஸ் ஆஃபீஸுடன் நூறு சதவிகிதம் ஒத்திசைவு இல்லாவிட்டாலும், அடிப்படை ஃபார்மேட்டுகளுடன் கூடிய ஆவணங்களை இவ்விரண்டு ஆஃபீஸ் சூட்கள் இடையிலும் பகிர்ந்து கொள்ளலாம்.

தமிழில் ஆவணங்கள்!

யூனிகோட் எழுத்துரு வாயிலாக தமிழ் ஆவணங்களை இயற்றும் / கையாளும் வசதி ஓப்பன் ஆஃபீஸின் முந்தைய பதிப்புகளிலிருந்தே இருக்கிறது. அது மட்டுமல்லாது “தமிழ் – ஓப்பன் ஆஃபீஸ்” எனும் ஒப்பன் ஆஃபீஸ்.ஆர்க் இன் துணைத் திட்டமும் தமிழ் ஓப்பன் ஆஃபீஸ் குழுவினரின் முயற்சியால் நடைமுறையில் இருக்கிறது.

இன்றே பதிறக்கம் செய்வீர்!

இதற்கு மேல் வேறென்ன வேண்டும்? இன்றே பதிவிறக்கம் செய்து (142 மெகா பைட்டுகள்) உபயோகித்துப் பாருங்கள்!

ஓப்பன் ஆஃபீஸ் தளம் ஆங்கிலத்தில்:http://www.openoffice.org/

ஓப்பன் ஆஃபீஸ் தளம் தமிழில்: http://ta.openoffice.org/

.... இங்கே பதியப்பட்டது கணினி | குறிச்சொல்லிடப்பட்டது: , , | 1 மறுமொழி »

« முந்தைய வரவுகள்